Besoj se të gjithë keni dëgjuar sherrin mes Rezartës dhe Afroviti Goges, një sherr i cili nisi në një realit show, ku dy bukuroshet nga Durrësi ishin pjesmarrëse. Një sherr i cili vazhdoi edhe pasi vajzat dolën nga “VIP Shpija” në 2010-ën.

Mirëpo, pas përplasjeve dhe zërave për konflikt, një set i përbashkët fotografik la të kuptohej se Shkurta dhe Goge i kishin lënë pas armiqësitë.

Megjithatë, sot nuk dihet cilat janë marrëdhëniet mes tyre.

Ajo ç’ka shton dyshimet për këtë është një postim i ri i Rezartës në Instagram, që ka lidhje pikërisht me modelen e njohur.

“Kisha vetëm një sqarim për portalet tona, se u bënë mbi 7 vite me këtë lapsus... Kjo nuk jam unë... Te kjo foto nuk jam unë... Nuk jam unë tek kjo foto! Kaq kisha!”-ka shkruar këngëtarja e njohur në postimin ku shihet fotoja e Afrovitit.

Prej një kohe të gjatë, disa portale ngatërrojnë foton e saj më të Afrovitit dhe Shkurta, duket se ka dashur të sqarojë situatën.