E keni parasysh shprehjen “çështje shijesh”? Epo, kështu është edhe muzika, dëgjon ato këngë që të pëlqejnë, qofshin ato këngë cilësore apo jo. Vera po afron dhe artistët shqiptarë po bëhen gati për të na e bërë më të bukur stinën e nxehtë, me hitet e tyre që do na shoqërojnë gjatë gjithë kohës në ambiene të ndryshme.

Emra të njohur të muzikës në vend si, Elvana, Dafina, Noizy, Mc Kresha, Majk, Don Xhoni kanë publikuar këngë të reja të cilat janë pritur mjaft mirë nga publiku.

Por cila është kënga që po dëgjohet më së shumti nga shqiptarët?

Bëhet fjalë për bashkëpunimin më të ri të Xhensila Myrtezaj dhe Elgit Doda nën titullin “A e din”, ndërsa në vend të dytë është një tjetër bashkëpunim “Kida dhe Ledri-TDU”.

Podiumi plotësohet nga “Rakia” e Bardhi dhe Dj Gimi O.