Kida është një nga këngëtaret më të dashura për publikun shqiptar dhe numëron shumë hite në repertorin e saj. Ajo është e rezervuar për jetën private, por na mban gjithnjë të “abonuar” në profilin e saj në Instagram ku ndan me ndjekësit e shumtë foto nga përditëshmëria e saj, por edhe projektet profesionale.

Kida ka qenë sot e ftuar në emisionin ‘Pop Culture’ ku ka folur jo vetëm për planet e saj lidhur me karrierën por edhe jetën e saj personale. Këngëtarja premtoi se ky vit do të jetë ‘bombastik’ për sa i përket karrierës së saj.

E pyetur lidhur me jetën e saj personale Kida tregoi se momentalisht nuk ka të dashur dhe karrierën e ka primare.

“Nuk kam të dashur. Jam e re dhe dua të fokusohem te muzika. Kam pasur të dashur, por jo diçka serioze. Mashkulli ideal duhet të jetë tipi im, të më respektojë dhe të më dojë me sinqeritet.”