Eli Fara është ndër këngëtaret të cilat nuk njohin moshë. Bukurinë e saj mund ta krahasojmë me atë të një 20 vjeçareje pa frikë dhe prej vitesh kemi dëgjuar këngët e saj që kanë ardhur si dhuratë për publikun shqiptar. Eli Fara ishte e ftuar në emisionin e pasdites “Rudina” ditën e sotme ku dha shumë detaje për jetën e saj, familjen dhe karrierën, por vëmendjen tërhoqi pyetja për jetën sentimentale.

“Nuk jam e dashuruar. Sa më shumë kalojnë vitet aq më shumë rriten kërkesat ndaj vetes. Zemra ime është e lirë”,-ka thënë Eli. Edhe pse është akoma në formë perfekte pas shumë vitesh në skenë, këngëtarja është shumë e lumtur vetëm dhe këtë nuk nguron ta pranojë. Ajo ka folur edhe për vajzën e saj, Marinën dhe ka zbuluar se janë më shumë shoqe se nënë e bijë.