“Nata e Durrësit” ka qenë kjo tema këtë të mërkurë në emisioni “Soiree” me Jonida Shehun në ‘Top Channel’, ku ishin mbledhur disa nga personazhet publikë që janë pikërisht nga ky qytet. Një ndër to ishte edhe Hygerta Sako, ish-Miss Shqipëria në vitin 1995, e cila është shprehur e prerë që tashmë e ka braktisur qytetin e saj të lindjes dhe nuk ka më dëshirë që të shkoj atje, duke ju referuar ndryshimeve dhe transformimeve që i ka ndodhur Durrësit.

“Unë e kam braktisur, unë kam shkuar në ekstrem. Nuk më hyn në sy. Unë nuk shkoj në Durrës sepse nuk gjej më asgjë nga ajo çfarë kam përjetuar dhe unë kam përjetuar fëmijëri shumë të bukur”, është shprehur Hygerta Sako.