Aksidenti i djeshëm në Kukës ka sjell vdekjen e një personi.

Njëri prej të plagosurave i identifikuar si Gëzim Gjana ka ndërruar jetë në spitalin e Traumës në Tiranë.

Pasditen e ditës së djeshme një aksident ndodhi në Kukës, ku dy automjete të tipit 'Passat' dhe 'Ford Focus' me targa italiane u përplasën me njëri-tjetrin. Si pasojë mbetën të plagosur 4 persona, ndërsa njëri prej tyre nuk u shpëtoi dot plagëve të marra dhe ka ndërruar jetën ditën e sotme.

Njoftimi i policisë:

Më datë 24.08.2018, në vendin e quajtur “mbikalimi i Gostilit”, janë përplasur mjetet tip ” Volksëagen” me drejtues shtetasin Q.Gj., me mjetin tip “Ford” me drejtues shtetasin A.C. Si pasojë e përplasjes janë dëmtuar drejtuesit e automjeteve, si dhe pasagjerët S.Gj., (bashkëshortja e Q.Gj) si dhe G.Gj. Shtetasi G.Gj, pasi ka marrë ndihmën e parë mjekësore në spitalin e Kukësit, u transportua për mjekim më të specializuar në Tiranë.

Në vendin e ngjarjes ndodhet grupi hetimor ku po punohet për përcaktimin e shkaqeve të aksidentit.