Një arsye banale e padëgjuar më parë është bërë shkak që dy kushërinj të zihen dhe njëri të mbetet më pas i vdekur. Pema e llojit lis është bërë shkaktari i konfliktit mes dy kushërinjëve të parë.

Ngjarja ka ndodhur në Kavajë ku viktima është goditur me mjete të forta ka mbetur i vdekur në vend. Ai quhet Fatmit Çeletaj, ndërsa autori Qamil Çeletaj është arrestuar. Kushërinjtë ishin djem xhaxhallarësh. Sipas informacioneve nga policia nga konflikti mes dy kushërinjëve mbeti i plagosur edhe një tjetër person ende i paidentifikuar.
Policia ndodhet në vendin e ngjarjes ku po kryen të gjitha hetimet për zbardhjen e plotë të rrethanave të kësaj vrasje.