Një objekt kulti është dëmtuar duke i thyer xhamat dhe bëhet fjalë për një nga kishat katolike në kryeqytet. Mësohet se persona të paidentifikuar kanë gjuajtur me gurë drejt kishës katolike “Zemra e Shenjtë e Krishtit”. Incidenti ka ndodhur gjatë orëve të natës në Rrugën e Kavajës, ku janë thyer xhamat e 4 prej dritareve të kishës.
 
Grupi hetimor po punon për sqarimin e rrethanave të ngjarjes dhe identifikimin e autorëve të kësaj vepre.