Rikthehen reshjet e borës!  Edhe pse jemi në kulm të stinës së pranverës në disa zona të vendit gjatë mbrëmjes dhe mëngjesit të sotëm ka rënë dëborë. Reshjet do të jenë të pranishme me intensitet të ulët deri në mesditë, në verilindje dhe juglindje të vendit.

Kjo situatë meteorologjike u pasua nga rënie e ndjeshme e temperaturave ku sot termometri vlerën më të ulët e ka regjistruar me 0 gradë në qytetin e Kukësit. Reshje bore ka pasur dhe në disa fshatra të Bulqizës, në zonat e thella malore të Malësisë së Madhe dhe Shkodrës, ku në Qafë të Thorës, po në zonën e Thethit e në disa akse të thella rrugore ka vështirësi në qarkulllim.
Reshjet e borës janë rikthyer edhe në rajonin juglindor të vendit. Në dy fshatrat  e Korçës, Dardhë dhe Voskopojë, trashësia e borës ka arritur deri dhe 15 cm centimetra. Në Voskopojë, trashësia ka arritur në 5 cm, ndërsa janë duke vazhduar reshjet e dëborës. Ndërsa në Dardhë, bora ka arritur 15 cm.
Në Elbasan, në lartësinë mbi 1 mijë metra dhe në fshatrat e Librazhdit ka pasur reshje të pakta dëbore. Dëborë raportohet  edhe në zona e thella të Gjirokastrës.