Një rast i rrallë ka ndodhur në maternitetin “Koço Gliozheni” në Tiranë, ku një fëmijë ka lindur me këmishë. Lajmin e ka bërë të ditur vetë doktoresha Anika Dokle e cila ka publikuar fotografinë në Facebook, ku shkruan “I lindur me këmishë”.
Pas fotos së saj komentet kanë qenë të shumta, për shkak se cilësohet si lindje e pazakontë. Foshnja ka lindur brenda qeses amniotike, e cila në gjuhën popullore njihet si këmishë. Lindje të tilla janë fare të rralla dhe fëmijë të tillë cilësohen fatlum.