Ky vit ka qenë padyshim viti i reperes së njohur Tayna e cila ka korrur një sukses të madh me këngët e saj dhe shumë shpejt u kthye në një nga personazhet më të komentuar dhe përfolur në media.

E përsa i përket jetës private të reperes u tha se në fillim të këtij viti ajo kishte filluar një lidhje me një personazh të njohur në Kosovë si Kech Montana.

Kjo lidhje nuk u pranua asnjëherë nga palët por së fundmi portali “arbresh.info” ka publikuar një foto të reperes së bashku me Kech Montanën ku ata të dy shfaqen shumë të afërt me njëri-tjetrin dhe duken shumë të lumtur.

Ne fakt kjo foto duhet të jetë shkrepur kohë më parë, sepse tani sipas “arbresh.info” çifti mund të jetë duke kaluar një krizë pasi nuk e ndjekin më njëri-tjetrin në rrjete sociale dhe kjo ngre dyshime për probleme në marrëdhënie.

Tayna reagoi nëpërmjet menaxherit të saj i cili u shpreh se reperja është “single”, por neve të intv.al na bërë përshtypje një postim i saj në Instagram. Tayna publikoi këtë shprehje nëpërmjet së cilës na la të kuptojmë se ajo është treguar pak naive pasi shkruan se ka pritur që njerëzit të mos i tregojnë “Sekretet”.