Patris Berisha dhe Tuna janë një ndër çiftet më simpatikë shqiptarë dhe dashuria e tyre është bekuar me një djalë të quajtur Tian. Së fundmi Patrisi ndau në Instagramin e tij një foto teksa me Tianin mbi shpinë dhe Tunën në krah janë duke bërë ‘hiking’ (ngjitje mali). Ata shfaqen me rroba sportive dhe shumë të lumtur, ndërkohë që këtë foto mund ta përdorim edhe si një mesazh për shumë prindër, pasi shumë prej tyre s’do guxonin ta merrnin fëmijën e tyre në një aktivitet të tillë.

Ajo që ka tërhequr vëmendjen në foton e çiftit është se vëllai i Patrisit, Robert Berisha e ka pëlqyer këtë foto. Siç dihet ai dhe Tuna nuk kanë marrëdhënie fare të mira dhe sherri mes tyre ka marr një vëmendje të madhe në media. Madje para pak ditësh kur u pyet për albumin e ri të Tunës, Roberti i tha që është një kopje e Elvana Gjatës.

Fundja dashuria për vllain është më e madhe se çdo pakënaqësi apo hatërmbetje.