Ashtu siç e pamë ditën e djeshme Mamaqi ka festuar 36-vjetorin ku nuk mungoi edhe urimi nga ish-bashkëpuntorja e tij.

Rasheli kishte zgjedhur ta uronte moderatorin me një foto qesharake të këtij të fundit, urim ky që ishte goxha i ndryshëm nga të tjerët.

“Miku im i mirë Ermali beson në ligjin e tërheqjes, pra ai thotë përherë se universi i dëgjon dëshirat tona. Dhe po, Ermali më tërheq me fuqinë e tij te pamatë qesharake Ermalin e kam dhe e dua si mik se me bën përherë te qesh! Nëse universi i dëgjon dëshirat tona, atëherë miku im u beftë 1000! p.s prapaskenat e reklamave dhe kohërave me te bukura”,-shkruante Rasheli në postimin e saj në Instagram.

Pavarësisht këtij urimi kaq të veçantë një detaj tërheq goxha vëmendje. Pasi e uroi dhe mori përgjigje nga Ermali, Rasheli e ka fshirë foton nga Instagrami i saj.

Çfarë të ketë ndodhur vallë mos ndoshta bukuroshes i është mbushur mendja se e ka ekzagjeruar paksa, apo thjesht të jetë një veprim që sipas Rashelit duhej bërë?

Sido që të jetë dje bukuroshja me urimin e saj na tregoi se vazhdon të ketë marrëdhënie të mira me moderatorin.