E rrallë, por epike! Në transmetimet “LIVE” sigurisht që ndodhin edhe momente të sikletshme, të cilat nuk parashikohen në skenar. Një gjë e tillë i ka ndodhur para disa javësh edhe spikerit Drini Zeqo teksa ishte duke moderuar edicionin qendror të lajmeve në Tv Klan.

I ftuar sot në "Thumb", Drini rrëfeu për këtë moment duke u shprehur se ka qenë shumë i sikletshëm dhe se lajmet nuk i ndërpriste dot.

"U mërzita sepse nuk po e kaloja dot. Lemza filloi sapo filluan dhe lajmet, s'kisha çfarë t'i bëja. Lajmet s'kisha si t'i lija përgjysëm dhe i vazhdova me shpirt nëpër dhëmbë. Lemza vazhdoi gjatë gjithë natës. U vizitova dhe ishte një çështje ftohjeje, e ndikuar nga lodhja. Ishte momenti më i sikletshëm që kam përjetuar".

Drini tregoi se pasi kishte mbaruar lajmet kishte parë shumë telefonata e mesazhe e një ndër to ishte nga Alketa Vejsiu.

"Mbarova lajmet, pashë telefonin, më kishte marrë Alketa në telefon, më kishte shkruajtur: "Zemër si s'më ndodhi mua kjo gjë, sa doja të më kishte ndodhur mua. O Zot çfarë fati", më tha Alketa", tregoi Drini.