Të gjithëve na ka ndodhur që të paktën një herë të vetme të fiksohemi me ndonjë lojë online. Përherë ekziston ajo dëshira për të përmirësuar përherë e më shumë account-in tonë. Disa njerëz jo vetëm që duan të ecin përpara në lojë, por ata dhe duan që të mos luajnë shumë për të arritur atë që duan.
Disa gjëra mund të blihen në lojra, por kostot shpesh herë janë shumë të larta. Falë këtij faktori, shumë lojtarë të rinj përpiqen që të blejnë accounte nga lojtarë të tjerë që kanë luajtur vërtet lojën.
Jo shumë njerëz pëlqejnë që të shesin accountin e tyre për hiç gjë, prandaj në këtë mes hyjnë piratët kompjuterikë. Ata nuk vjedhin direkt para nga njerëzit që blejnë accounte, por pastrojnë para nëpërmjet tyre.
Procesi është shumë i thjeshtë. Për të krijuar një profil të ri në një lojë Free-To-Play duhet thjesht një iCloud ID ose një Google Account. Kriminelët thjesht hapin profile të tillë, blejnë items të lojës dhe i shesin ato më lirë se sa kushtojnë në të vërtetë.
Në pamje të parë duket sikur ata dalin me humbje, por kartat e kreditit janë të vjedhura dhe i përkasin disa viktimave të pafata.
Pa dashur, si ne dhe si industria e lojrave telefonike po ndihmojmë kriminelët për të realizuar qëllimet e tyre të këqija.
-------------------------------------
MEQË JE KËTU
IN Smart të fton të na bashkohesh në grupin privat të Facebook ku mund të diskutojmë risitë e teknologjisë, problemet që ti mund të kesh me smartphone tënd dhe të njihemi me njëri-tjetrin në komunitetin më të madh dedikuar të apasionuarve pas teknologjisë.
20 Dec 2024 
