Këngëtarja e njohur Fjolla Morina ka qenë në qendër të vëmendjes kohët e fundit. Disa javë më parë ajo u arrestua pasi u kap me armë në kufirin shqiptar. Pas kësaj, këngëtarja u dënua me masën "arrest shtëpie" në Kukës, deri në një vendim të ri nga gjykata.

Pavarësisht problemeve me ligjin, Fjolla Morina ka marrë një super propozim nga partneri i saj. Ajo ka postuar në instastory një unazë diamanti dhe një tufë gjigande me trëndafila të kuq ndërsa krahas videos shkruan: “Thashë po, dashuri”, ndërsa e shoqëron shkrimin me një dryn me çelës.

Unaza është fine dhe mjaft e veçantë dhe duket shumë e bukur në dorën e këngëtares. Kujtojmë se pak ditë më parë, Fjolla postoi një foto me një mashkull misterioz ndërsa shkruante: “Mbreti im”, por pa e zbuluar identitetin e tij.