Pasi u la në burg, Gjykata e Apelit në Durrës shtyn shqyrtimin e ankimimit të masës së sigurisë ndaj saj. Stomatologia është akuzuar për mashtrim në vlera marramendëse, por mesa duket ajo nuk dëshiron të pranojë gabimet që ka bërë në të shkuarën dhe ka vendosur që të ankimojë masën e sigurisë që Gjykata e Rrethit Gjyqësor Durrës, kishte vendosur për të.

Mesa duket ndryshimi i avokatit nga ana e Olesias e ka bërë të pamundur shqyrtimin e animimit të bërë nga avokatët e mëparshëm të saj.

Sipas informacioneve në datën 21 mars pritet të dëgjohen palët. Por ajo që bën përshtypje në këtë mes është mbrojtja që pritet t'i bëhet stomatologes.

Sipas palës mbrojtëse akuzat e hedhura kundër Olesias janë të pavërteta dhe se ajo është viktimë e një skeme të pastrimit të parave nga ana e biznesmenëve denoncues.