Pasi i ka ftuar disa herë në rrjetet sociale, kryeministri Rama është përballur me disa studentë mbrëmjen e sotme në Top Show. Nga studio, Rama tha se kërkesat e tyre janë të arsyeshme, por duhet dialog. Shefi i qeverisë tha se protesta ka katër komponentë, dy janë PD dhe LSI, që janë futur në tubim të maskuar për të përfituar, e treta Lëvizja për Universitetin që sipas tij janë grup marksist dhe e katërta janë pjesa e studentëve që nuk janë pjesë e këtyre organizimeve.

“Ka dalë në pah që protesta ka 4 komponentë, 3 të strukturuar me një axhendë të tyre, dhe i katërti që është komponenti i studentëve që kanë hallin e tyre dhe nuk janë pjesë e axhendës politike. 2 komponentë janë PD dhe LSI, tjetra është Lëvizja për universitetin, një grup jo politik por që kanë idetë e tyre, që s’kanë lidhje me ne dhe vizionin tonë, por një grupim marksistësh që nuk njohin Marksin”, tha Rama.

Kryeministri Edi Rama i ftuar mbrëmjen e sotme në Top Shoë përballë disa studentëve deklaroi se kërkesat e tyre janë të arsyeshme, por duhet dialog. Shefi i qeverisë tha se protesta ka katër komponentë, dy janë PD dhe LSI, që janë futur në tubim të maskuar për të përfituar, e treta Lëvizja për Universitetin që sipas tij janë grup marksist dhe e katërta janë pjesa e studentëve që nuk janë pjesë e këtyre organizimeve.

Kryeministri Rama tha se për tarifat, ai vet nuk ka asgjë në dorë, përkundrazi studentët nuk kanë përse duhet të trokasin te Kryeministria, por të shkojnë te dekadët e universiteteve të tyre, pasi tarifat i vendos vet universiteti, duke respektuar autonominë e tyre.

Autonomia është një përgjegjësi për të cilën ai që e gëzon kërkon lirinë për të vepruar. Atëherë për uljen e tarifave apo për përgjysmimin e tyre duhet të diskutohet. Sipas kryeministrit Rama shpjegoi ndërkohë edhe ofertën e tij, që pavarësisht se tarifa nuk hiqet, atë ta paguajë shteti për studentët e shkëlqyer me 9-a dhe me 10-a.

Por, kryeministri theksoi gjithashtu se edhe fëmijët që vijnë nga rrethet në kryeqytet, për të studiuar mes shumë vështirësive financiare të familjeve të tyre, meritojnë gjithashtu të përkrahen financiarisht.