Edi Rama vë në provë për herë të dytë Ilir Metën. Këtë të premte Kryeministri Rama ka ripropozuar Sandër Lleshin për postin e Ministrit të Brendshëm. Ka qenë vetë kreu i qeverisë, i cili përmes një statusi në Twitter lajmëron se ka nisur drejt Presidencës propozimin për Ministrin e Brendshëm, e bashkë me të edhe një relacion shpjegues për Sandër Lleshin.

Edi Rama:
“Sapo kam rifirmosur për ridërgim kërkesën për dekretimin e Sandër Lleshit Ministër i Brendshëm, drejtuar Presidentit të Republikës. Bashkëngjitur do t'i dërgohet Presidentit edhe një relacion i detajuar shpjegues, në funksion të dekretimit të Ministrit të Brendshëm”.

Pritet tashmë reagimi i kryetarit të shtetit, i cili një javë më parë, në minutat e fundit lajmëroi se nuk ka krijuar bindje të plotë për Dekretimin e Sandër Lleshit për postin e Ministrit të Brendshëm.