Dymbëdhjetë futbollistë të rinj dhe trajneri i tyre kanë mbetur të bllokuar brenda një shpelle në provincën Chiang Rai të Tajlandës për gati një javë. Ata u zhdukën pasi vendosën të eksplorojnë shpellën Tham Luang Nang Non, të shoqëruar nga trajneri i tyre 25-vjeçar. Kërkimi i madh për djemtë e humbur ka kapluar vendin. Tani tajlandezët po ngrenë në mediet shoqërore një shpërthim të mbështetjes dhe shpresës për gjetjen gjallë të sportistëve.

Një hashtag, që përkthehet "këta janë njerëzit që duam ti takojmë patjetër", po përdoret për të përcjellë shqetësimin e kombit për grupin e djemve, të moshës 11 deri në 16 vjeç.
"Po pres 13 njerëz që të kthehen në shtëpi," tha ky përdorues i Twitter nga Thai. "Dilni jashtë, të gjithë po presin për ju".

"Unë jam duke pritur që të dëgjoj fjalët. Kërkimi ka mbaruar, të 13 jetët janë të sigurta"," thotë një tjetër përdorues Twitter.
Disa përdorues të medias sociale ndanë një fotografi të djemve të ulur në një derr të egër. Djemtë ishin anëtarë të ekipit të futbollit “Moo Pa”, e shqipëruar do të thotë “Derrat e Egër”.

Ata thuhet se kanë vizituar rregullisht shpellën në rrethin e Mae Sai për stërvitje dhe rekreacion. Gjatë sezonit të shirave, që zgjat nga qershori deri në tetor, shpella mund të përmbytet deri në 5 metra.Hashtags të tjera me përmbajtje si "13 jetë duhet të mbijetojnë" dhe "Sillni në shtëpi lojtarët Moo Pa" janë shpërndarë. 

Dikush shkroi "Le ti takojmë së shpejti". Të tjerët gjithashtu dërguan mesazhe mbështëse për ekipin e shpëtimit.

Me hyrjen kryesore të shpellës së përmbytur, zhytësit profesionistë, punonjësit e shpëtimit dhe personeli ushtarak kanë punuar për të gjetur një mënyrë alternative. Nivelet e ujit në shpellë janë vazhdimisht në rritje, përpjekje frustruese shpëtimi. Nuk dihet se në kë pjesë të shpellës grupi është i bllokuar, edhe pse gjurmët e këmbëve janë gjetur brenda kompleksit të shpellës, duke sjellë shpresë se djemtë janë ende gjallë. Mesazhet e fëmijëve të dërguar para se të niseshin për të eksploruar shpellën të shtunën sugjeronin se kishin marrë pishtarë dhe disa ushqime.

"Kam humbur shpresën me njerëzit në këtë vend, por jo sot. Ky incident më bën të besoj se ky vend gjithmonë ka shpresë", tha një përdorues në Twitter.

"Njerëzit në këtë vend kanë lënë prapa paragjykimet e tyre dhe bashkohen në çdo mënyrë që munden, duke u lutur që fëmijët të mbijetojnë. Shpresoj se të jeni të sigurt djema".