Ajo deklaroi se ishte mungesa e hapësirave në rafte që ka sjellë lagështirën dhe “përmbytjen” e 12 mijë titujve.

Sipas znj. Demo raftet imagjinare quhen hapësirat e përdorura në katin e nëndheshëm në Bibliotekën Kombëtare ku sistemohen librat në mungesë të hapësirave fizike për vendosjen e tyre.

Qëndrimi në tokë ka bërë që librat të bihen menjëherë në kontakt me ujin.

Edhe pse ndërhyrja ka qenë e menjëhershme dhe nuk parashikohet pothuajse asnjë dëm i parekuperueshëm, përgjegjësja pranë B.K. tha se ne kemi të vetmen Bibliotekë Kombëtare që është e hapur për lexuesit çka kufizon edhe më shumë hapësirën për ruajtjen e librave.

Librat e dëmtuar i takonin botimeve të dekadës së fundit dhe në përmbajtje janë kryesisht tekste shkollore dhe libra për fëmijë.