Nuk bëhet fjalë për ndonjë projekt të ri, por për anën tjetër të botës së spektaklit. Vëllezërit Aliu janë përfshirë në një zënkë me producentin Bini pasi nuk e përmendën këtë të fundit në një intervistë ku po rrëfenin se si kishin filluar karrierën e tyre. Producenti në fjalë i cilësoi Mozzik dhe Getinjon si mosmirënjohësa pasi pretendon se i ka ndihmuar ata në fillimet e tyre, ndërkohë që këta nuk e përmendën farë në intervistë për meritat e tij. Por kjo nuk ka mbetur me kaq, pasi edhe artisti i “Premtimet” është kundërpërgjigjur duke thënë se “mirënjohës është për ata që hapën dyer, jo për ata që premtuan shumë çelësa dhe nuk hapën dyer”.

Në këtë debat u përfshi edhe Enca Haxhia nëpërmjet një statusi ku fare rastësisht kishte thënë se personat që urren më shumë janë mosmirënjohësit, e gjitha nën hashtagun “I Made You”. Por ajo vetë tha se ky mendim nuk i ishte dedikuar reperit Mozzik, me të cilin realizoi këngën “Edhe Njo” kur vetë autori i hitit “Dhezu” nuk kishte ende famën që gëzon sot. Ne e besojmë... Po Mozzik çfarë mendon në lidhje me përfshirjen e supozuar të Encës?

Pasi e kontaktuam, ai konfirmoi për intv.al se e beson gjithashtu Encën dhe nuk mendon se statusi i saj i ishte dedikuar atij personalisht. Mozzik hedh kështu poshtë fjalët sipas të cilave dyshja nuk shkonte dhe aq mirë. Kujtojmë se edhe këngët e fundit të Encës janë realizuar nga Zzap&Chriss, producentët e ON Records, shtëpi diskografike ku bën pjesë dhe reperi 20 vjeçar. Pra, jo gjithçka është aq e keqe sa duket.