”Sunny Hill Festival” rikthehet në muajin gusht në Prishtinë, pjesë e së cilës pritet të jenë disa yje botërore. Organizatori i këtij festivali Dukagjin Lipa, njëherësh babai i këngës me famë botërore Dua Lipa, ka konfirmuar datat e edicionit të sivjetmë të “Sunny Hill Festival”. Edicioni për këtë vit do të mbahet më 2/3/4 gusht. ”

Deri më tani janë konfirmuar emrat e artistëve që do të jenë pjesë e këtij festivali. Njomza, Dua Lipa, Calvin Harris, Kida, Ledri Vula janë deri më tani artistët e konfirmuar.

Burime pranë INLife.al kanë treguar se mendohet se një ndër artistet që do të vijë në Prishtinë është këngëtarja e njohur Billie Eilish. Vetëm 17 vjeç ajo ka arritur që të fitojë simpatinë e të gjithëve me stilin e saj të veçantë në të bërit muzikë dhe është një ndër kënëgtaret më të famshme dhe më të komentuara për momentin. “Bad Guy” është një ndër këngët e saj më të njohura, e cila me siguri do ta këndojë në “Sunny Hill Festival”.

Përpos Billie Eilish, mendohet se do të vijë edhe ylli shqiptar me famë botërore Bebe Rexha.

Asgjë nuk është e konfirmuar publikisht deri më tani nga organizatorët e festivalit, prandaj nuk na ngelet gjë tjetër veçse të presim dhe të kryqëzojmë gishtat që këto fjalë të jenë të vërteta.