Këngëtarja britanike ka rrëfyer së fundmi se për pak desh humbi jetën gjatë një udhëtimi në Norvegji më herët gjatë këtij muaji. Ellie ndodhej në Europë së bashku me stafin e saj kur mjeti me të cilin po udhëtonte u bllokua mbi një liqen të ngrirë. "Nën temperaturën -25 gradë e vetmja gjë që mund të bënim ishte të dilnim jashtë makine përmes pjesës së sipërme të saj", ka treguar artistja e traumatizuar. "Brenda pak minutave gjithçka ishte zhdukur nën ujë dhe akull", ka vazhduar më tej Ellie.

Një ngjarje të tillë e konfirmojnë edhe dy postime të bëra në Instagram, njëri nga vetë këngëtarja dhe tjetri nga Conor McDonnell, fotografi që po e shoqëron atë përgjatë koncerteve. Sidoqoftë Ellie Goulding nuk ka lënë që ky incident të ndërpresë turneun e saj botëror "Delirium" duke vazhduar kështu shfaqjet sipas datave të paracaktuara. Bravo Ellie!