Aq seriozisht sa ka zgjedhur të bashkëpunojë me emrat e duhur në industrinë muzikore në Amerikë. Por dikush tjetër që po e ndjek hap pas hapi karrierën e saj, është edhe miku i këngëtares, Ermal Mamaqi, pasi komentet e tij nuk mungojnë në asnjë prej postimeve të Elvanës. Këtë herë ai është treguar më shumë se i kujdesshëm duke e paralajmëruar atë për diçka që nuk i ka pëlqyer. Në një foto të fundit të Elvanës me artisten e make up-it, Kath Yeung dhe stilistin e vipave, Rob Talty,  Ermali ka shprehur në koment se nuk i pëlqente fytyra e këtij të fundit, veçanërisht mustaqet, ndaj dhe e ka paralajmëruar të jetë e kujdesshme. "Kujdes nga ky tipi majtas, s'ia kam shumë besën me këto sy dhe këto mustaqe që paska" ka shkruar ai. Pavarësisht komentit karizmatik të tij, ne presim me padurim reagimin e këngëtares. /intv.al/