Para disa javësh këngëtarja ishte e ftuar në një emision ku tregoi për projektet e saj të ardhshme si dhe për marrëdhënien e ngushtë që ka me familjen.

Mesa duket kur vjen fjala tek familja, të gjithë preken, pikërisht kështu ka ndodhur edhe me Elvana Gjatën. Ditën e sotme këngëtarja ka postuar një dedikim në rrjetet e saj sociale, ku ndante me fansat ndjesitë e saj.

“Zgjedh ta ndaj me ju këtë ndjesi timen shumë të sinqertë.

Ndonjëherë rutina, problemet dhe streset e punëve ditore na bëjnë të lëmë pas dore disa nga gjërat më të shtrenjta që kemi në jetë, duke harruar që nuk jemi të përjetshëm.

Ndaj kur u ktheva në shtëpi, vrapova drejt prindërve të mi dhe me lot në sy nisa t'i puth e përqafoj pa pushim, duke falenderuar zotin që i kam në jetë. Bekim ,mirënjohje e përulje atyre që na dhanë jete!”-shkruan Gjata.