Aktorja veshi një jumpsuit të zi nga Oscar de la Renta të marrë direkt nga pasarela e koleksionit Vjeshtë 2017, për t’u prezantuar në premierën e “Beauty and the Beast” në Los Anxheles. Edhe pse kjo veshje tepër chic e saj mund të mos jetë si fustanet e filmit, ka një detaj mjaft interesant që lidhet së tepërmi me të. E kemi fjalën për lulen, që është një lloj homazhi kushtuar trëndafilit të kuq, një prej simboleve më domethënëse të përrallës.

Flokët e saj ishin kapur nga disa aksesorë me motiv botanik dhe ngjyrë ari, kurse grimi i syve ishte si ato të një maceje (cat eye) për një look sa më eksperimental.