Diana është një 13-vjeçare nga Lezha, e cila është nxënëse në shkollën 9-vjeçare “Besëlidhja”. 13 vjeçarja vuan skolioza e kolonës vertebrale. Asaj i duheshin 30 mijë euro për të kryerë operacionin në Kroaci. Pas apelit për ndihmë në emisionin “Shqiptarët për shqiptarët” në “News24”, ajo udhëtoi drejt Zagrebit për t’iu nënshtruar një operacioni.

Për vizitë te Djana shkuan dhe figura të njohura si kryebashkiaku i Zagrebit, ndërsa surpriza më e madhe ishte mesazhi i mesfushorit të Real Madridit, Luka Modriç. Futbollisti i dërgoi një mesazh Djanës, ku i uronte shërim të shpejtë.

“Përshëndetje Diana. Mora lajmin se operacioni u krye me shumë sukses. Ke përkrahjen dhe mbështetjen tonë. Të përshëndes nga Madridi dhe të uroj shërim sa më të shpejtë”, ka thënë Modriç.