Ditët e fundit, të shumtë ishin ata që u shokuan me një fenomen të pazakontë që po bën xhiron e platformave të rrjeteve sociale, veçanërisht Twitter-it. Ata më guximtarët që zgjodhën të klikonin linqet e shumtë të “Dubai Porta Potty”f, me siguri u penduan për hapin e ndërmarrë.

Bëhet fjalë për të reja që shkojnë në Dubai dhe shoqërojnë sheikët në këmbim të shumave të parave, dhuratave luksoze apo pushimeve të majme.

Vetëm se ajo që ka qarkulluar në rrjet është tronditëse dhe bëhet fjalë për vajza që trajtohen si “tualete humanë”.

Vajzat e show biz-it shqiptar që shpesh janë parë në Dubai kanë reaguar karshi këtij fenomeni, pikërisht prej komenteve që kanë marrë në rrjetet sociale prej se u publikua ky lajm.

Ishte Enca e para që përmes disa Instastory i sqaroi të gjithë ata që pas një telefoni janë shumë “trima”.

“Para se të turpëroheni në mesazhe e komente po ju rikujtoj se unë jam selfmade boss që ka punuar që në moshën 16-vjeçare dhe ka patur sukses. Mentaliteti i dobët do iu lejë të mjerë. Kështu që në vend se të urreni merrni disa leksione nga më e mira. Kam qëndruar në heshtje dhe larg vëmendjes për shumë gjatë dhe keni harruar se kush është mbreti”- shkroi ajo fillimisht.

“Gjithashtu, tregoni respekt për artisten e parë shqiptare që hapi rrugën që muzika shqiptare të dëgjohet ndërkombëtarisht. Jeni të mirëpritur”– shkroi ajo në një status tjetër.

Në fund e mbylli duke shkruar: “Shkurt e shqip, nuk keni nevojë për të ngrënë m*t për tu bërë të suksesshëm apo të pasur. Por nëse mendoni se kjo është mënyra e vetme kush jam unë t’ju ndaloj? Ka një arsye pse unë jam këtu dhe ti aty…”

Po të njëjtin qëndrim ka mbajtur dhe Kejvina e cila I ka cilësuar komentet e marra si komente që vijnë nga njerëz pa karakter dhe të ulët.

Ndërkohë edhe Linda Halimi ka ndarë me ndjekësit një koment që ka marrë sa I takon këtij fenomeni duke u shprehur e habitur.