Eni Koçi dhe Genc Prelvukaj janë kthyer në një prej çifteve më të dashur për publikun shqiptar dhe çdo e re nga lidhja e tyre përbën kuriozitet.

Këngëtarja ka bërë së fundmi një bisedë me ndjekësit në rrjete sociale, ku mes të tjerash ka folur dhe rreth historisë së dashurisë me reperin.

E pyetur nëse do të bëjë dasmë, Eni ka treguar se të gjitha ceremonitë simbolike i kanë bërë vetëm me familjet. Për këtë arsye, ajo beson se nuk do të bëjë dasmë. Me pak fjalë mos Eni sapo na tregoi se tashmë janë celebruar me Gencin.

“Nuk besoj që do bëj dasëm. Çdo ceremoni simbolike e kemi bërë vetëm me familjet tona”, ka shkruar Eni.