Gazetari Jamal Khashoggi vdiq si rezultat i një vrasje brutale të paramenduar, tha të martën presidenti i Turqisë, Rexhep Tajip Erdogan, në një fjalim të parashikuar të mbajtur në Parlament. Ai hodhi poshtë pretendimet e Arabisë Saudite se gazetari u vra aksidentalisht. Erdogan bëri thirrje që autorët ti sjellin ata para drejtësisë në Stamboll ndërsa pyeti nëse konventat e Vjenës, të cilat u japin imunitet stafit diplomatik, aplikohen në këtë rast.
Zyrtarët në Turqi kanë bërë publik qëndrimin se Khashoggi u vra nga një skuadër agjentësh të dërguar nga Arabia Saudite. Por, ndërsa Erdogan kishte premtuar "të vërtetën e zhveshur", ai ofroi disa detaje përtej atyre të zbuluara nga zyrtarët turq duke folur privatisht.

"Informacioni i marrë deri më tani dhe dëshmitë e gjetura tregojnë se Khashoggi u vra në një mënyrë të egër," u tha Erdogan deputetëve në Ankara. Ndër detajet e reja të zbuluara nga Erdogan ishte një pohim se një ditë para se Khashoggi të vritej një ekip i stafit konsullor kreu një mision zbulimi në dy vende të ndara në pyllin e Beogradit, në periferi të Stambollit dhe në Yalova, një qytet rreth 90 kilometra në jug të Stambollit. Si pjesë e hetimit, policia të martën në mëngjes bastisi një vilë në lagjen Termal të Yalovës që besohet se i përket një prej të dyshuarve sauditë, njoftoi gazeta turke Hurriyet, duke cituar mediat lokale. Trupi i Khashoggi ende nuk është gjetur.
Erdogan gjithashtu vuri në dyshim se një skuadër prej 15 trupash arriti në Stamboll, duke thënë se një ekip prej tre vetash arriti në një avion privat një ditë para se Khashoggi të vdiste dhe se dy ekipe të tjera përkatësisht me nëntë dhe tre persona duke përfshirë edhe "gjeneralët" arritën në ditën që gazetari hyri në konsullatë. Disa orë përpara se Khashoggi të futej në konsullatë për të marrë letra për t'u martuar me të fejuarën e tij , kamerat e sigurisë u shkëputën. Ne deklaruam se nuk do të heshtim dhe se do të ndërmarrim çdo hap të nevojshëm për të bërë drejtësi", u tha Erdogan anëtarëve të Partisë së tij për Drejtësi dhe Zhvillim (AKP) në pushtet. Por ka pasur disa lëshime të dukshme dhe disa detaje të reja në fjalimin. Pjesa më e madhe e asaj që tha Erdogan në fjalimin parlamentar tashmë është shfaqur në raportet e medias dhe ai nuk bëri asnjë referencë në një regjistrim audio të raportuar më parë nga brenda konsullatës, që thuhet se ka kapur torturimin dhe vrasjen e pretenduar të tij.