I ftuar në emisionin "Express Rozë", ish-konkurrenti i "Përputhen", Eri Aga deklaroi se Ana Kauri është e lidhur me një djalë që prej tre vitesh. Po ashtu, ai e konsideroi si vajzën më të shtirur të programit.

“Më fake ka qenë Ana2. Kuptohej që ishte e lidhur jashtë emisionit. Kur futej në studio, as nuk të fliste as nuk të pershëndeste. As nuk i hante fare, pastaj bënte si e mirë, qeshte. Ana është e lidhur që prej dy-tri vitesh me një djalë. Këto vijnë në “Përputhen” veç për famë”, tha Eri.

Kësaj deklarate i është përgjigjur së fundmi Ana, teksa një ndër ndjekësit e saj e ka pyetur nëse akuzat e Erit janë të vërteta.

“Njerëzit për të marrë vëmendje çfarë nuk thonë për të tjerët… Janë të lirë të bëjnë lajme për aq kohë sa fitojnë ndjekës”, ka shkruar ajo.