Erion Veliaj dhe Ajola Xoxa pak ditë më parë u bënë prindër për herë të parë. Ata u bekuan me një djalë dhe Erioni shfaqi hapur lumturinë e tij. Gjatë maratonës së Tiranës, Kryetari i Bashkisë premtoi se djalit do t’i vendoste një emër shqiptar dhe pak tirons. Ditën e djeshme, Veliaj ka publikuar në rrjete sociale disa fotografi shumë të bukura nga materniteti dhe ka zbuluar emrin e vogëlushit.

“Ne u bekuam këtë fundjavë me birin tonë Kajan – tironsin më të ri në qytet! Mirënjohje nga zemra krye-Doktorit të Tiranës Orion Glozheni, dhe Gencit, Dritës e Valit nga ekipi i tij i mrekullueshëm tek Materniteti i ri. Shumë dashuri e mirënjohje për gjithë urimet tuaja!”, – ka shkruar Veliaj. Në njërën nga fotot ai shfaqet shumë i emocionuar teksa mban në duar djalin e tij, Kajan.

Por çfarë kuptimi ka ky emër?

Emri Kajan është një emër universal dhe ka një rëndësi të veçantë në astrologji.

Sipas astrologjisë indiane emrat që nisin me shkronjën “K” janë të prirur të kenë një të ardhme të ndritur dhe karrierë të suksesshme. Këta persona balancojnë në mënyrë perfekte jetën e tyre personale dhe profesionale. Epo le të themi se në këtë pikë ky vogëlush do i ngjajë shumë babit të tij.

Personat me emrin Kajan karakterizohen nga një natyrë miqësore, janë të shoqërueshëm dhe simpatikë. Ata janë të vendosur, nuk mund ti thonë asnjëherë se çfarë të bëjnë pasi vendimet në jetë marrin vetë.

Një tjetër karakteristikë e tyre është bamirësia dhe interesi për të parë mirë njerëzimin. Mirëkuptimi dhe inkurajimi janë dy karakteristika pozitive për këta persona. Për shkak të potencialit të tyre të lartë, ata besojnë në vetvete por njëkohësisht presin shumë nga vetja. Kajan në astrologjinë indiane simbolizon numërin 1, prijës dhe ambicioz por edhe të guximshëm, sipas blitz.al. Ata janë udhëheqës të lindur. Dhe është gjithashtu e vërtetë se ata duan të rrezikojnë të fitojnë ose të arrijnë ëndrrat e tyre. Për këtë ata gjithmonë janë të përqendruar në qëllimin dhe ambicien e tyre. Duan të shohin ëndrrat dhe duan të ndërmarrin të gjitha veprimet e mundshme për t’i përmbushur ato .