Gjatë një interviste për IN Report me gazetarin tonë Albi Isakaj, Ermal Fejzullahu nuk ka nguruar të shprehet mbi kolegun njëkohësisht mikun e tij Ledri Vula. “Super artist, super reper”, por i ngacmuar nga fakti se përgjatë muajve të kaluar e kemi parë më tepër Ledrin duke bërë ski, Ermali tha në shaka e sipër se ai nuk ka punë të tjera. Fjalët e tij Ermali i argumentoi duke shtuar se Ledri Vula nuk ka as motër e as vëlla, ndaj dhe prindërit e kanë si dritën e syve. E si mund të shprehej ndryshe Ermal Fejzullahu për mikun e tij të shtrenjtë, shpeshherë edhe “partner në krim” sa i përket koncerteve brenda dhe jashtë vendit!