Pas largimit të Kejvina Kthellës nga emisioni i Ermal Mamaqit, u prezantua velina e re, modelja Belinda Dragoti. Kjo e fundit tërhoqi vëmendjen që në daljen e saj të parë me tiparet e saj dhe trupin në formë. Belinda nuk është një emër i panjohur për publikun pasi ka konkurruar në disa kompeticione bukurie ku në "Miss Universe Albania" ishte një ndër finalistet.

Së fundmi, moderatori i njohur Ermal Mamaqi ka publikuar një foto në 'Instastory' ku shihet Belinda përkrah një djali për të cilin shkroi: “Zbulohet i dashuri i Belinda Dragotit”.

Kjo është një shaka nga ana e moderaratorit pasi djali në foto është pjesë e emisionit të Ermalit dhe për të vazhduar shakanë, ai ka publikuar një tjetër foto të djalit, Belindës dhe Kejvinës bashkëngjitur së cilës shkroi: “Histori e komplikuar domethënë”.