Klejdi Lupa, i njohur si Claydee, ka sqaruar zërat se ka qenë në një lidhje me një tjetër këngëtare të njohur në Greqi Eleni Foureira. Dy artistët me origjinë shqiptare, bashkëpunuan në 2019 për këngën me titull “Loquita” ku u vu re kimia mes tyre e po ashtu nuk munguan dyshimet se mes këngëtarëve ka patur diçka më shumë se miqësi. 

I ftuar në “Më lër të flas”, Calydee tha se me Elenin nuk ka pasur asnjëherë romancë. “Kjo nuk është hera e parë që ndodh. Sa herë që mund të kesh një bashkëpunim, të shohin e të bëjnë fotografi, dhe portalet e nxjerrin sikur je me atë”, u shpreh ai.

“Për jetën private, nuk flas shumë se është private. Ajo që dua të them është se në jetë duhet të kesh njerëz që të ndihmojnë në atë që do të bësh ti dhe ti të ndihmosh atë njeri që të keni një rrugëtim së bashku. Jeta kjo është”, tha ai.

Këngëtari është babai i një djali shtatë vjeçar, por është ndarë nga nëna e tij.

Baba single apo beqar, insistoi Romeo. “Është e komplikuar”, u përgjigj Claydee.