Pak javë më parë "Love Island Albania" mbylli me sukses sezonin e parë, teksa Arlindi dhe Ueda u shpallën fitues të reality show-t, me vendin e dytë që i mbeti Haris e Amadea, ciftit që ka qenë mjaft i përfolur së fundmi në media, por për arsyet e gabuara.

Themi kështu, pasi nisur nga disa "sinjale" nga rrjetet e tyre sociale dhe nga disa raportime të mediave rozë, cifti finalist i "Love Island" u tha se i kanë dhënë fund lidhjes, me Haris që kishte shkuar në Angli dhe e "kishte lënë" Amadean këtu. Po ashtu u përfol se edhe Ilda e Stivi i kanë dhënë fund marrëdhënies së nisur në program, megjithatë të përqëdrohemi njëherë tek cifti i parë, se ky është tjetër diskutim.

Amadea ka zgjedhur që sot t'i jaë në një farë mënyre përgjigje aludimeve, teksa ka postuar një video me Haris, nga koha kur ishin në "Love Island", shoqëruar edhe me një zemër. Në video ata shfaqen shumë të dashuruar, njësoj si gjatë gjithë kohës në program, cka do të thotë se nuk janë ndarë dhe zërat nuk janë të vërtetë.