Se cili është reperi më i mirë shqiptar është një pyetje që vështirë t’i japim përgjigje për disa vite, por fansat sigurisht që janë të lirë të kenë preferencat e tyre.

E një ndër reperat shqiptarë më të mirë të momentit është padyshim Gashi, i cili është bërë pjesë e labelit Roc Nation të Jay Z. Shpesh në rrjetet sociale, përveç biznesit dhe muzikës, artistët shprehin dhe reflektime të tyre personale. Kjo ka ndodhur dhe me këngëtarin e njohur shqiptar, Gashi.

Në postimin e tij të fundit në Instagram reperi shqiptar shprehet se dëshiron t'i realizojë të gjitha ëndrrat duke nisur që nga realizimi i 10 albumeve e deri tek ndërtimi i një familjeje, por edhe u shpreh se ka frikë se vdes para se të plotësojë objektivat e tij.

"Jam nervoz...Një gjë prej të cilës kam frikë është vdes dhe të mos arrij potencialin tim të plotë si një njeri në Tokë… Dua shumë që të publikoj 10 albume… të fitoj një Grammy (shpresoj)… Lutem që të jem në një kopertinë të GQ ose Vogue dhe të njihem për stilin tim (Lutem)… dhe pas gjithë kësaj të nis të bëj filma… me shpresë një ditë të martohem dhe të kem fëmijë… Asgjë nuk të premtohet, e gjitha që mund të bëj është të përpiqem çdo ditë… përveç gjithë këtyre gjërave… I bëra prindërit e mi krenarë këtë vit dhe dua të vazhdoj ta bëjë këtë gjë… Ndihmova shumë familje dhe miq.Gjithashtu dua të vazhdoj të ndihmoj njerëzit në botë dhe të jap sa më shumë… U bëra xhaxha këtë vit… Tani mund të jem xhaxhai i pasur dhe i suksesshëm, të cilin unë s’e pata kurrë…Dua të shkoj në turne pasi të nxjerr albumin dhe t’i bëj njerëzit në shfaqjet e mia, të ndihen pa asnjë shqetësim. Faleminderit që më mbështetët dhe më ndihmuat të jem më afër ëndrrave të mia", shkruan Gashi.