Sonte në mbrëmje 8 skuadra luftojnë për të prerë katër bileta në gjysmëfinale të Europa Leagues. Në orën 21:05, do të luhen çerekfinalet e para.

Manchester United luan në transfertë ndaj Anderlecht në një ndeshje që duhet fituar nga skuadra e Mourinhos që shihet si favorite.

Një tjetër duel mjaft i fortë dhe pa favoritë është ai mes Ajaksit dhe Schalke 04. Në “Amsterdam Arena” vendasit do të synojnë një rezultat pozitiv për të qenë më të qetë për duelin e kthimit.

Një tjetër pretendent serioz për suksesin final është edhe Lyoni, që pret në ndeshjen e parë Beshiktashin. Ekipi francez shkon i plotë në këtë takim, ndërsa për skuadrën turke mungon një futbollist me eksperiencë si Ricardo Quaresma.Cerekfinalja e fundit është Celta Vigo-Genk, ku spanjollët janë dukshëm favorit.