Eventi u organizua në ambientet luksoze të “The Plaza”, ku një sërë personazhesh të njohur, prezantues, fotografë e gazetarë ishin pjesë e saj.
Gjatë mbrëmjes u zhvillua prezantimi i edicionit të 9-të të “Big Brother”, i cili do të nisë këtë të shtunë në orën 21:00 në Top Channel.

Ndryshe nga të gjithë edicionet e mëparshme, këtë vit Big Brother do të sjellë edhe autoironinë. Diçka e tillë do të mundësohet nga djemtë e fenomenit të rrjeteve sociale, “Çmendina Dublim” të cilët menjëherë pasi të përfundojë spektakli i së shtunës do realizojnë një emision nën titullin “Big Bastard”. Ashtu siç duket qartësisht nga titulli, bëhet fjalë për një emision me humor dhe satirë, të cilët do të ngacmojnë ndodhitë në Big Brother duke sjellë gafat e moderatorëve Arbana Osmani, Albana Osmani edhe Olti Curri, probleme të ndryshme teknike por edhe ndonjë koment mbi banorët. Gjithçka pritet të zbulohet plotësisht në vijim.

Ndërkohë, intv.al sjell ekskluzivisht disa nga pjesmarrësit e eventit në tapetin e kuq.