Arsenal pësoi humbjen e dytë në kampionat duke u mundur në transfertë 2-1 ndaj Evertonit. “Topçinjtë” e nisën mjaft mirë ndeshjen duke kaluar të parët në epërsi, por vendasit përmbysën gjithçka në pjesën e dytë. Alexis Sanchez shënoi nga një goditje dënimit në të 20-n falë edhe devijimit të Williams, mirëpo skuadra e Evertonit reagoi mirë duke arritur ta rikthej rezultatin. Së pari Seamus Coleman barazoi rezultatin në minutën e 44-të, kurse Ashley Williams kaloi në epërsi Evertonin në fund të ndeshjes. Kjo fitore vjen në një moment shumë të vështirë për skuadrën e Everton pasi kishte vetëm 1 fitore në 10 ndeshje. Pas kësaj humbje, Arsenali mbetet në vendin e dytë me 34 pikë, tre më pak se Chelsea që ka një ndeshje për të zhvilluar. Leicester ndërkohë rikthehet të humbja. Pas një ndeshje të jashtëzakonshme ndaj skuadrës së Cityt, “dhelprat” mposhtën 1-0 në transfertën ndaj Bournemouth.