Fama e Armina Mevlanit duket se ka kaluar kufinjtë e Shqipërisë, pasi imazhi i saj shfaqet në kopertinat e revistave të huaja.  Ish Miss Shqipëria, fillimisht u bë imazhi reklamues i buzëkuqeve të markës së njohur Dolce & Gabbana, u zgjodh si imazhi për editorialin e modës në revistën “Velvet” dhe u shfaq në gazetën turke “Sabah”. Por Armina mesa duket nuk e ka ndërmend të ndalet këtu. Ajo është bërë pjesë tashmë e një tjetër reviste ndërkombëtare, pikërisht asaj “Shot Magazine”, në edicionin e saj italian. Sigurisht që bukuroshja nuk mund të mos e shfaqte lumturinë e saj për këtë tjetër hap të sukssesshëm në karrierën e saj, pasi në fotot e postuara, e veshur me bikini, duke pozuar në pishinë, shkruan “Jam kaq e lumtur”.