Familja e Konstandinos Kaçifa, kërkon që trupi i djalit të tyre ti nënshtrohet një ekspertize. Të afërmit refuzuan kryerjen e ceremonisë mortore, pasi pretendojnë  se nuk është bërë ekspertiza e duhur dhe ngjarja ende nuk është sqaruar. Mësohet se ata kanë paraqitur këtë të hënë në prokurorinë e Gjirokastrës, kërkesën për ardhjen e një mjeku ligjor nga Greqia, për të kryer ekspertizën në trupin e 35-vjeçarit. Po ashtu mediet greke shkruajnë se shteti grek nga komunikimi me palën shqiptare ka sqaruar se ngjarja në Bularat nuk rezulton të ketë lidhje me flamurin grek.