Kjo për shkak se përveç emrit të Zoe Saldana-s, aktores që do të portretizojë Nina-n në film, u zbulua gjithashtu se kjo e fundit ishte detyruar të nxinte lëkurën për t'iu përshtatur rolit. Një detaj ky që nuk i ka pëlqyer aspak fansave, por mbi të gjitha familjes së këngëtares, të cilët përmes postimeve në Twitter kanë shprehur pakënaqësitë e tyre ndaj filmit. Sipas tyre Nina ishte një aktiviste e të drejtave të njeriut dhe të ndryshosh lëkurën e dikujt është një formë ofendimi. Ndërkohë teksa Zoe Saldana ka publikuar trailerin e filmit në Twitter duke e shoqëruar me disa fjalë të Nina Simone, familja e të ndjerës kanë reaguar menjëherë duke iu përgjigjur "Histori interesante, por të lutemi hiqe emrin e Nina-s nga goja, sot e përgjithmonë". Paksa e tepruar nuk mendoni?