Nuk është hera e parë që familjen Kardashian shohim shpesh të asociuar dhe me emra shqiptarë, duke filluar nga Mario Dedivanoviç e deri tek anastasia e Beverly Hills, duket se Kim dhe Kanye West janë të fiksuar me shqiptarët.

Deri më tani kemi parë suportin e Kim ndaj reperit Gashi apo këngëtarit stanaj, ku shpesh ajo hedh video me këngët e tyre, por tani gjërat sa vijnë e bëhen më emocionuese, të paktën për sukseset e pambaruara të Dua Lipës.

Kanye West me sa duket ka shumë dëshirë të vijë me një bashkëpunim me këngëtaren, të paktën kështu janë shprehur disa burime për 'The Sun'. 

“Kanye është shumë i impresionuar me zërin e Duas dhe ai e di se momentalisht ajo është shumë e kërkuar në industrinë e muzikës. Ajo tashmë ka bashkëpunuar me Calvin Harris dhe Kanye e ka parë sesa shumë eci ajo këngë. Ai ka gati disa këngë që mendon se Dua do të ishte e përkryer për t’i performuar me të dhe mezi po pret që ta bëjë atë pjesë të albumit të ardhshëm ‘Yandhi’”, thanë burimet.

Epo nëse këto burime janë të vërteta, nuk mund të themi gjq tjetër veçse jemi jashtëzakonisht krenarë për Duan dhe mezi e presim një bashkëpunim mes saj dhe reperit.