Ishte një javë e gjatë ngacmimesh nga Selena Gomez për këngën e saj të re, e cila është publikuar sot në versionin audio, “Fetish” në bashkëpunim me reperin Gucci Mane. Por këtë herë, në ndryshim nga këngët e tjera duket se bukuroshja 24 vjeçare është bërë pak më e pistë se zakonisht dhe e diçka e tillë i ka tërbuar fansat. Natyrshëm pasi deri tani nuk ishin mësuar në këtë mënyrë nga artistja e tyre e preferuar. Bëhet fjalë për frazën “Nuk shoh arsye për të të fajësuar, Nëse unë do isha ti, do doja t’ia bëja vetes time”. Asgjë e jashtëzakonshme në muzikën e sotme, por e pazakontë deri dje për Selenan. Të paktën kështu mendojnë fansat.