Por historia sapo ka filluar të marrë një pamje krejt tjetër. Kishim shkruar më parë se situata është tensionuar së tepër përgjatë ditëve të fundit, duke e kthyer në të padurueshme për Kim K. Madje burime pranë Us Weekly treguan se ajo ishte gati për t’i kërkuar divorcin, pasi grabitja në Paris dhe kriza psikopatike e Kanye po e mërzisnin dita-ditës. Tashmë bëhen të ditura dhe më shumë detaje, ku mësohet se gjendja mes çiftit më të përfolur të spektaklit është edhe më e rëndë. Elite Daily ka gërmuar në komentet e fansave si dhe është mbështetur në burimet e saj që bëjnë me dije se ata nuk jetojnë më bashkë nën një çati. Jo vetëm kaq pasi Kim po planifikon të luftojë për kujdestarinë e dy fëmijëve. Dhe me një Kanye që nuk është më me “mendjen e vet”, kjo gjë nuk duket aspak e vështirë.