Fatmir Mediu zbulon strategjinë e opozitës

Beteja e opozitës duhet të shtrihet në dy fronte, protesta dhe përballje të fortë në kuvend. Kështu deklaroi kreu i republikanëve Fatmir Mediu në një intervistë për IN TV, në kohën kur opozita ka përcaktuar nisjen e një vale protestash kundër qeverisë në fund të muajit janar..

Fatmir Mediu:

“Protesta dhe përballje të fortë në Kuvend”.

Fatmir Mediun shprehet kundër bojkotit parlamentar, pasi sipas tij aty do të zhvillohen dhe betejat më të rëndësishme të opozitës.  Në këto kushte kreu i republikanëve sugjeron që opozita nuk duhet të harrojë prioritetet e saj siç është reforma zgjedhore dhe ajo administrative.

Ndryshimi i sistemit duket si një kusht për kryedemokratin nga krerët e partive të vogla, megjithatë Mediu thotë se vendit nuk i duhet një pol i tretë, pasi kjo vetëm sa do ta dobësonte opozitën.

Fatmir Mediu:

Vendit nuk i shërben një pol i tretë, kjo do të ndihmonte qeverinë”.