Arbenita dhe Fero janë një nga çiftet më të dashura të shoëbizit shqiptar. Ata duken mjaft të dashuruar me njëri tjetrin dhe këtë e tregojnë fotot e shumta që çifti ndan me ndjekësit në rrjetet sociale.

Së fundmi na kanë treguar se lidhja e tyre është më serioze se kurrë pasi Fero është prezantuar dhe me familjarët e modeles simpatike. Ndërkohë që siç kemi vënë re nga Instagram-et e tyre, ata janë nisur me pushime, por vendndodhjen s’na e kanë treguar akoma.

E pikërisht teksa udhëtonin me makinë gjatë pushimeve të tyre, Arbenita është futur live në Instagram dhe teksa argëtohej me partnerin e saj tha diçka që i futi në mendime fansat.

“Një surprizë e madhe është duke ardhur”, tha Arbenita për fansat e saj dhe kaq mjaftoi që ata të thonin gjëra nga më të ndryshmet si psh ata do të fejohen, Arbenita është shtatzënë, apo edhe që ajo do të jetë protagoniste e klipit të ri të Feros.

Nuk na mbetet gjë tjetër veçse të presim se çfarë surprize na ka rezervuar çifti.