Aktori turk Ege Sasmaz i cili është shumë i njohur me rolin e tij në serialin “Trokit në derën time” është fejuar sot me një ceremoni të thjeshtë.

Ege është fejuar me partneren e tij Hande Unal. Aktori 26-vjeçar i propozoi për martesë partneres muajin e kaluar.

Ceremonia e fejesës u mbajt në oborrin e shtëpisë së Handes.

Të ftuar ishin shumë aktorë të njohur, mes tyre edhe Demet Ozdemir e cila ka miqësi të ngushtë me Egen.

Aktori në këtë ditë të rëndësishme u shfaq i veshur me kostum të zi ndërsa partnerja e tij me një fustan të kuq. Kanë qenë të ftuarit që kanë publikuar shumë foto nga ceremonia, por edhe vetë çifti duke e ndarë lajmin me fansat.